黎美嫻的故事
黎美嫻係80年代嘅「古裝皇后」，佢喺TVB嘅古裝劇有出色嘅演出，例如《倚天屠龍記》、《絕代雙驕》同埋《書劍恩仇錄》等，演繹咗唔少經典嘅古裝角色，特別係佢飾演嘅趙敏一角，更被讚譽為「最經典趙敏」。
但光鮮亮麗嘅星運嘅背後，黎美嫻亦有鮮為人知嘅艱辛，例如喺90年代中後期，佢決定唔再續約無綫，同時因為信仰嘅原因，佢選擇退出娛樂圈，曾經面對長達三年嘅無收入嘅生活。
童年嘅黎美嫻喺九龍徙置屋邨之一嘅橫頭磡邨八座長大，之後搬出沙田禾輋邨。佢就讀沙田培英中學，1984年畢業咗呢間學校，然後報名咗無綫電視舉辦嘅第二期藝員進修班。同年仲有陳庭威、邵美琪、鄧萃雯同曾慧雲等藝人。
黎美嫻1985年開始拍劇，佢參演咗《狄青》、《倚天屠龍記》、《書劍恩仇錄》、《絕代雙驕》、《連城訣》等古裝劇集，憑藉亮麗嘅外型，好快成為係無綫電視嘅一線花旦，因為佢經常演古裝劇，同事都叫佢「古裝皇后」，特別係佢飾演嘅趙敏一角最為經典。
1986年拍攝《倚天屠龍記》嘅時候，佢同梁朝偉之間曾經擦出愛火。據說當時梁朝偉同前女友曾華倩冷戰中分手，不過兩年後，梁朝偉同曾華倩再次合作劇集，佢地嘅舊情又再度點燃，令黎美嫻嘅短暫情緣無疾而終。
喺1990年代初，無線電視將黎美嫻打造成「海之女」的冷艷形像，佢其後喺《人在邊緣》同《我本善良》等時裝劇中扮演苦命女子嘅角色，亦留俾觀眾非常深刻嘅印象。
到咗90年代尾，黎美嫻約滿離開咗無綫電視，開始參演一些電影，但喺1996年信奉基督教後，漸漸退隱娛樂圈，到咗2000年幾乎停咗演藝事業。
「信主之後，我好清楚咁知道我唔想繼續喺娛樂圈度。但如果唔拍戲、冇收入，生活點過呢？初時家人覺得奇怪，點解我要推呢部戲，推嗰部戲呢？」
事實是成為虔誠嘅基督徒後，黎美嫻對劇本嘅選擇變得更加嚴格。例如喺1999年參演嘅一部古裝戲中，佢形容為「又係復仇打殺嘅戲，仲有一場戲要我手執佛珠唸佛經，演嘅時候心內好不安，所以決定以後唔再接演呢種角色。」
從2001年開始，黎美嫻正式加入香港醫院院牧事工聯會做「院牧服務」嘅義工，開始去醫院同老人院搵探訪，但問題係，啲義務工作冇收入，令佢經濟情況越來越困難。
由於收入銳減，生活方式有大改變，包括換車換樓，「有兩年嘅薪金，係一位家庭主婦由自己私房錢撥出嚟支持我，佢每個月都係一直支持我。我地本身唔識，佢係返應上帝嘅愛同恩典，令我真真正正咁體會到『互相效力，叫愛上帝嘅人得益處』呢句話嘅真義。」
「三年冇工作，身上只有兩千蚊，點有能力搬出去租屋住？當時陳法蓉喺中國拍戲，打嚟電話問『Kitty，搵到屋企未？唔好亂搵，女仔要搵個啱嘅先好租。我而家仲拍緊戲，唔返香港，就住我屋企啦。慢慢搵啦。』」
終於，佢喺公司附近搵到一個面積不足四百呎嘅獨立單位，可以節省交通費，租金係四千二百蚊。佢覺得最大嘅好處係「唔使同屋企人住，佢地唔會見到我每日辛苦嘅樣，唔使擔心我，所以唔會勸我唔好做院牧服務。」
黎美嫻自覺幸運，三年冇收入日子，有朋友推薦轉行做保險、時裝顧問或者美容顧問，因為以她一線藝人的身份，薪酬理應不俗，但佢聽從「神嘅旨意」，繼續從事院牧服務。
她的院牧服務工作，除了探訪病人，還要兼任不少文書、行政甚至策劃的工作，對此黎美嫻起初非常抗拒，認為自己只識演戲，除此之外一竅不通，不滿牧師要她負責不熟悉的工作範疇，更曾賭氣而跟牧師發生爭執。
但最後，黎美嫻憑著堅毅同信仰，克服了心理障礙，並且在淚水見到自己嘅成長。黎美嫻係2005年嫁比有著同樣信仰嘅「元朗舖王」謝興肇。緍後黎美嫻就更專注喺宗教活動同埋同朋友聚會。
經過院牧工作嘅磨練，黎美嫻早已蛻變，從最初一個只識演戲嘅年輕藝人、由不懂得愛為何物，變成學懂愛和付出的成熟女子，同時也培養了對待病人和有需要者的敏銳觸覺。
回首嘅三年無業無收入嘅生活，佢以「寒冬中嘅木棉花」比喻當時嘅自己：「唔知自己可以做咩，第一年好唔開心，我就喺門口蹲住，透過玻璃睇街外嘅飛雪（木棉花）。流咗好多眼淚，但係眼淚過後，就係見到自己不斷成長。回望呢段路，心情好平靜。」