吳孟達成為「三叔」前的故事

吳孟達生前曾經笑言，佢想過拍一部自傳，而這部自傳將會是一套悲劇，佢希望以自己嘅人生起跌，帶俾其他人反思同借鑒。

其實大部人認識嘅吳孟達，都係周星馳電影入面嘅「三叔」或者「達哥」，印像中佢永遠都「笑淫淫」，其實吳孟達嘅人生經歷咗大起大落，從少年得志、紙醉金迷，到跌入谷底，再到最後嘅浪子回頭，成為香港記憶當中嘅「黃金配角」。

1952年，吳孟達出生於廈門，5歲就跟隨家人遷居香港，嗰陣時正值逃港潮，佢父親喺西環南北行工作。全家人早年喺港島南區嘅香港仔魚類批發市場住板間房，由於屋企經濟條件唔好，父親一個人出去打工，一家七口生活喺一個狹小嘅空間，但佢憶述，童年嘅生活係簡單而快樂嘅，其後成家人搬咗去田灣邨。

吳孟達曾就讀聖伯多祿學校及香港仔工業學校，在學期間修讀機械課程，以學習一技之長幫補家計。但兒時的吳孟達唔鍾意讀書，反而喜歡看電影，對演戲的興趣始於小…