同德大押的故事

同德押是香港島最後一棟轉角弧型戰前騎樓，這幢三層高、空間有限卻蘊藏著滿滿香港歷史氣息的古老建築，一方面見證了香港社會的變遷，另一方反映了香港人買賣典當的生活實況。

同德押位置好有優勢：喺電車同巴士都到嘅大街

已於 2015 年拆除的「同德押」，早喺1931年至1934年間興建，之後由香港早期嘅知名華商李右泉同高可寧接手。「同德押」喺香港島最後一個轉角位嘅弧型戰前騎樓，喺全港非常罕有，值得保育。

中大建築文化遺產研究中心嘅項目主任吳韻怡曾經翻查土地登記冊，發現喺1938年之前，當時嘅「當舖大王」李右泉已經租低呢個地方經營咗3年。1948年嘅香港年鑑都有記載同德押嘅電話號碼。

自1947年開始，「同德押」嘅經營權由高可寧創立嘅德成置業有限公司掌控。當時高可寧喺港澳擁有好多以「德」字開頭嘅當鋪，包括澳門嘅德生同德成，以及香港嘅德榮與同德。佢手下嘅大總管叫邱禮，而當年「同德押」正門嘅招牌就寫住「東主邱禮…