大大公司的故事
旺角彌敦道曾經佇立著一間吸引人的大型百貨公司——大大公司。這間公司每個星期日會有八折優惠，吸引不少家庭來購物。大大公司的創辦人楊撫生，具有精明的商業頭腦，懂得利用廣告吸引顧客。
楊撫生首創了星期日全店八折，為百貨業行內開創了新紀元，也率先導入員工佣金制。跟香港後來的另一位商人王維基，多少有點類似的「影子」。公司後來資不抵債，結業倒閉，但員工在接受電視台訪問時，卻依然對大大公司和楊老闆表露關心和憂慮。
大大公司嘅前身係專演大戲嘅東樂戲院，1931年至1970年期間營業。大大公司喺1974年4月開業，當年開業成本達到1000萬港元。總店設於旺角彌敦道東海大廈，就係今天聯合廣場所在地。
楊撫生原於上海經營鞋帽生意，開了不少鶴鳴鞋帽商店。1940年代來港定居後，起初亦開設鞋帽店，站穩腳步後開始進軍百貨業。楊撫生兒子楊占美係名演員陳寶珠前夫。
大大公司喺八十年代初一直擴大規模，除咗旺角總店，最盛時期喺荃灣眾安街、香港仔華富邨同北角城市花園都有七間分店。
行內人認為楊撫生好有廣告頭腦，經常會搵到一啲好嘅廣告手法，例如用「逢星期日八折」吸引顧客，仲有推出信用卡購物優惠等等。
百貨公司仲設有特別嘅兒童樂園，有碰碰車同其他玩樂設施，玩具部仲有一個大型火車模型場景，令唔少顧客帶住全家嚟購物，留低美好嘅童年回憶。
無奈嘅係，1982年香港前途談判問題，令香港嘅地產同股票市場受到衝擊，擴張得太快嘅大大公司亦受到影響，佢地由於欠落銀行太多錢，到84年已經資不抵債。
1985年7月22號，香港上海匯豐銀行作為主要債權人接管左佢地，由當時嘅安達信會計師事務所負責經營百貨公司，同時審查帳目同貨品，而管理層就暫且不變。
然而，由於大大公司嘅財政情況沒有顯著改善，到了1986年3月12號，匯豐再次委託安達信會計師事務所接管大大公司，期間不少百貨集團曾經有意收購大大嘅業務，但卻未能同債權人達成協議，最終匯豐申請清盤，並且解散咗大大逾700名員工。
之後匯豐更將大大公司將餘下嘅貨品喺各分店作「清貨大特賣」，吸引咗好多香港市民排隊購買，當年佢地成個月都係清貨大減價，每朝早喺公司門口都排長龍，連大門的鐵閘亦被「迫爆」。
站喺銀行嘅角度嚟講，清盤係為咗保護自己同減少損失，對其股東利益嚟講係有啲道理。但作為供應商同員工嘅角度嚟講，佢地肯定會感到無奈同埋不滿。
匯豐清盤期間，賣貨嘅總收入係6700萬。加上大大抵押畀銀行嘅物業，相信銀行嘅損失已經減到最少。但對於好多做咗十幾年嘅老臣子，佢地將要面對轉工嘅問題。而最幸運嘅係可能仲有機會「執平貨」嘅普羅市民。
大大公司嘅百貨王國，喺短短十幾年間迅速崛起，成為本地百貨業的「創新者」。但最後卻因為過度投資酒樓同地產，加上香港前途問題令信心受損、銀行唔願意再支持，終使大大公司成為咗港人70、80年代嘅集體回憶而告終。大大公司結業後，原址改裝成商場放售，並且改名做聯合廣場。
昔日香港但那些熱鬧的周日，家庭的歡笑聲，夾雜著購物的興奮，雖已消逝在歲月的長河，卻是一代香港人銘記的集體回憶，香港本地組合 Swing 就曾經創作一曲《大大公司》紀念大大及其結業的終局。
大大的失敗，更提醒我們，再優秀的個體，面對歷史的巨大洪流，也難免會受到衝擊；有時優秀和創新，如果化為過份的自信和盲目的擴張，或許將導致更大的失敗。這也提醒了我們，無論我們的實力多麼強大，都應該保持謹慎和警惕，隨時準備應對外部環境的變化。
請問創辦人楊撫生先生是什麼年份離世？