馬鞍山的故事

馬鞍山的變化確實令人瞠目結舌。從昔日的採礦場、難民營，轉變為高樓大廈和燒烤俱樂部、高爾夫球球場，讓人不禁想問，這個地方的未來又會是怎樣呢？

1945年，馬鞍山只有原居民同漁民住，不過喺日佔時期，日軍就曾經喺馬鞍山開礦，就因為咁樣修建咗一條通往山頂嘅路。

當時馬鞍山岸邊係延綿嘅沙灘同埋農田（而家恆安邨同耀安邨嘅位置），仲未有正規嘅碼頭。近岸嘅兩間平房係日佔時期興建嘅騾房。呢度嘅騾隻本身係屬於英軍，香港淪陷之後，日軍就搶走咗英軍嘅騾隻，送到馬鞍山，用嚟運礦，所以呢個地方有「馬房」嘅別稱。

1949年，華資大公洋行礦場開業，開採磁鐵礦（Magnetite）。馬鞍山開始發生重大的變化。

首先，岸邊興建咗合法嘅碼頭，同時亦增加咗好多間大公洋行興建嘅平房。山腳位置開闢咗一條「之」字形嘅路通往半山同埋山頂。路嘅北面有辦公室、職員宿舍同埋飯堂；南面就係工人宿舍、貨倉同埋車房等，…