梅豔芳新秀大賽冠軍的故事

1982年的7月18日，梅豔芳以徐小鳳的一曲《風的季節》勇奪新秀歌唱大賽冠軍，開啟了她傳奇的演藝之路。

她的成功不僅憑藉著才華，也因為那個年代的香港擁有創作和言論自由的氛圍，容納不同意見的聲音。

如今，梅艷芳、黃霑和顧嘉煇等相繼離世，香港人思念他們，不僅為了他們的才華，也包括思念那個允許言論自由、包容不同聲音的香港。

1982年，無綫電視聯同華星唱片舉辦第一屆新秀歌唱大賽，當時18歲嘅梅豔芳報名參加。

7月18當日，比賽喺利舞台舉行同現場直播，作為「10號參賽者」的梅豔芳以佢圓潤嘅聲線喺電視上演唱小鳳姐名曲《風嘅季節》，以這首輕快嘅曲目，壓倒其他13位參賽者，贏得咗新秀冠軍。

她同屆對手中，包括韋綺姍、林利、蔡齡齡、溫兆倫、胡渭康、家姐梅愛芳、張衛健，甚至後來官至香港特區政府發展局及民政事務局常任秘書長嘅楊立門。

其中梅愛芳係梅豔芳胞姐，佢自幼已同妹妹梅艷芳開始演唱生涯，未喺荔園演唱之前，姐妹二人已經喺好多場合活動中唱過歌，例如香港當年市政局曾經邀請佢哋兩姐妹一齊演唱。但梅愛芳喺半準決賽就被淘汰出局，將所有希望都寄託係梅艷芳身上。

蔡齡齡係前香港商台同港台嘅唱片騎師同歌手，1989年簽約香港百代唱片出道，同年推出《蔡齡齡》專輯，翌年以一首《細水長流》打響知名度。後來1993年退出樂壇，同音樂人馮鏡輝結婚。

至於後來官至香港特區政府發展局及民政事務局常任秘書長楊立門，亦有參與呢屆比賽，但佢喺30強準決賽後，因獲政府聘請為政務主任而向無線電視要求退出比賽。

黃霑當時擔任新秀大賽評審之一，佢多年後喺一場舉行嘅演唱會中，話佢當時聽完梅艷芳嘅表演後，就俾咗滿分嘅50分，但係佢嗰陣喺旁邊做主席嘅顧嘉煇就扣咗佢一分，只俾咗49分。點解顧嘉煇會扣分呢？原來係因為梅艷芳嘅表演有問題，而係因為佢覺得藝術唔應該有滿分，所以夾硬都要扣咗一分。

有人形容梅艷芳參加新秀簡直「降級挑戰」，畢竟1982年嗰時候，佢名義上雖然係「新秀」，但實際上已經有一般歌手難以比擬嗰種演唱經驗 – 梅艷芳由4歲開始已經四出演唱闖蕩江湖！

香港音樂史上，梅艷芳將永遠一道燦爛的風景。1982年的新秀歌唱大賽冠軍，不僅是一個獎項，更是她演藝生涯的開端。在那一晚，她與家姐Ann擁抱在一起，感動嘅淚水交織住成功的喜悅。時光荏苒，梅艷芳的影響力依然綿延不斷，她的音樂永遠在香港人心中。