倪匡喺散文集《何必認真》寫過,自己細個嘅時候好鍾意跟大人去上海嘅「小菜場」,可以見到好多平時見唔到嘅嘢同埋人生百態。倪匡細個嘅時候,最大嘅願望就係成功慫勇大人買佢想食嘅嘢,例如拷子魚。細個嘅倪匡鍾意睇書,就養成咗佢讀雜書嘅習慣。
1951年,16歲嘅倪匡為咗追求烏托邦嘅理想,輟學離家出走,自己一個人由上海去咗蘇州,喺華東人民革命大學第四部受訓三個月。1955年嘅時候,佢主動申請去內蒙古開辦勞改農場種植水稻。
參與咗革命幾年,倪匡開始覺得有啲嘢唔對路,現實同宣傳上嘅平等世界完全唔一樣:例如喺軍隊裡面就有好多特權,無論大小事都要報告思想、開會檢討,對於鍾意自由嘅倪匡嚟講,佢覺得好唔滿意同失望,經常同上級爭執。
1955年嘅冬天,倪匡偷養嘅狼狗咬傷咗大隊長,另外,因為風雪封路,冇嘢燃燒,佢同同伴拆咗一條木橋嚟生火…
Keep reading with a 7-day free trial
Subscribe to 說好香港故事囉 😎 to keep reading this post and get 7 days of free access to the full post archives.