梅艷芳 《似水流年》的故事

《似水流年》第一版原來是帶病錄音，並收錄在1984年的《華星影視新節奏》，後來梅艷芳覺得不夠好重新再唱，但經理人陳淑芬反認為第一版，帶病唱反為更配合歌詞的意境，聽起來也就顯得更為動人

詞人鄭國江受訪問時回當年經驗：「如果你睇過《似水流年》呢部電影，你可能會記得呢個情景：

女主角顧美華同佢特登返鄉探望嘅前男友躺喺屋脊上。顧美華身上著嘅係現代都市女性嘅裝扮，但係佢嘅前男友仲係一個鄉巴佬嘅樣子，已經同一個打扮同樣子都好樸素嘅鄉村女教師結咗婚。

最後嗰三句同而家嘅版本完全一樣，但係放喺兩個唔同嘅畫面中，竟然會有唔同嘅感覺、唔同嘅意義同唔同嘅境界，文字真係有呢種奇妙嘅魔幻性。

為咗寫呢首主題曲，我睇咗呢部電影六次，真係好難得導演嚴浩肯比我呢種方便。

最後，喺電影結束嗰時嗰段蒼茫嘅畫面，感動到我，我就決定把筆鋒一轉，寫低女主角對整段旅程發生嘅種種事情、對前男友嘅感情、對前男友老婆嘅感覺、對自己工作上遇到嘅變故同埋對妹妹嘅困擾嚟個總結，然後就把發生咗嘅種種事情束之高閣，重新踏上旅程。

#HKSTORY #…