雍雅山房的故事

昔日的雍雅山房，它是香港從滄海桑田變成繁華都市的見證，從那裡憑欄遠眺，對出是吐露港，之後是馬鞍山。在舊照片上，馬鞍山腳下原是一片沙灘，到了今天，變成了林立的樓群。雍雅山房既是香港人的集體回憶，也是香港的縮影，同樣有「借來的時間、借來的空間」的宿命。

雍雅山房採用中日結合的建築園林設計，後來改裝成格調優雅的餐廳。小橋流水、鳥語花香，這裏的景色是昔日香港的一個文化標誌。作為一間遠近馳名的餐廳，不少年長的香港人曾在山房曾渡過拍拖、求婚的時光，食客愛在此處遠眺吐露港和馬鞍山的美景。

雍雅山房本來係廣東省國民黨將領陳濟棠嘅仔、香港富商陳樹中嘅私人度假別墅。呢度佔地 79,654 平方呎，建築同園林設計都係中國同日本建築特色嘅結合。之後轉售俾梁姓業主。1963 年，梁姓業主過世之後，佢嘅遺孀拎着 930 萬港元再售比彭氏家族嘅彭鑒沅先生。

彭鑒沅 1963 年 5 月 15 號接手雍雅山房，由於之前業主已經開始轉型做高級餐廳經營，彭氏家族亦決定繼續呢個計劃，將內堂改做餐廳，花園改成露天茶座，仲擴建停車場。最後雍雅山房喺1964年嘅農曆大年初一正式開幕。

雍雅山房餐廳（Yucca de Lac）以賣中國菜為主，開業之後，更變成咗當時粵語片嘅取景勝地，其中以秦劍執導嘅《難兄難弟》最為人所熟悉。

雍雅山房有四樣馳名熱炒，俗稱「雍雅四寶」，分別係「椒鹽中蝦」、「山水煎豆腐」、「炸乳鴿」同「乾炒牛河」，幾乎係每個客人嚟必點嘅菜式，尤其佢哋嘅乳鴿醃製功夫到家，皮脆肉嫩，非常入味。

如果天氣好嘅話，客人都鍾意喺露天座上食飯飲茶，如果天陰下雨，就走入室內，室內有好多嶺南畫派名家趙少昂嘅對聯同畫作，又係另一番賞心悅目嘅風景。

就像老闆彭健元講咁，冇雍雅山房嘅食客，就冇雍雅山房。喺顧客嘅角度，留低係雍雅山房嘅回憶唔止係好食，仲包括整個環境同氛圍，同埋每個人獨有嘅唔同故事。

李純恩係撰文懷緬嘅知名顧客之一，喺佢筆下描寫嘅雍雅山房：「露天茶座四周花木扶疏，紅白二色的茶花，開得碗口般大，豔豔逗人，大盆大盆的巴西吊鐘，姿態美妙，在別處也不易看見。小橋流水，水光葉影閃在陽光下，晃得人微醺，那個白石膏塑的童子站在水裏表演小便也表演了四十多年，不知是誰替他描了兩道濃眉，猛一看，變了個大男人了。歲月不饒人，原來石雕也一樣。」

好多顧客鍾意喺天氣好嘅日子，坐喺雍雅山房嘅露天茶座上享受凉風，曬曬太陽，約朋友傾傾計，美好嘅時光好快就過去。

2005年9月20日，雍雅山房持續經營了半個世紀後一天營業，中原地產包場並邀請了200名嘉賓一起度過這最後一個夜晚。三十多名員工接收了公司支票，帶着依依不捨之情，準備展開各自的新生活，當時依然有很多市民趕在這座建築物拆卸之前，前來留下回憶。

雍雅山房結業的當日，老闆彭鑒汀受訪時表示：「一方面是一個解脫，一方面又不捨得。有時的確想改變一下，但改變了又好懷緬，說一點兒也不留戀就是假，但是做人有時應進就要進，應退就要退。」

斥資只不過 3.8 億元買入雍雅山房嘅發展商，將佢改建為今天嘅「新界樓王」雍雅山，一個昔日嘅集體回憶，變成 21 間相連嘅獨立屋豪宅。

雍雅山房彷佛就是香港的縮影，同樣有著「借來的時間、借來的空間」的宿命，但只要活在當下，仍可營造瞬間的樂土，在有限的時間之內，締造永恒的美好回憶。