彌敦道的故事

彌敦道嘅歷史可以追溯到19世紀末，當時嘅九龍半島已經係租咗俾英國，英軍工兵就開始喺度打造第一條道路。開頭呢條路叫做「羅便臣道」，紀念英國駐港第五任港督羅便臣爵士。但係隨著城市嘅發展同埋擴張，1904年彌敦道經歷咗重大改變。

為咗加速九龍半島嘅發展，當時嘅香港總督彌敦爵士決定擴闊呢條道路，尤其係九廣鐵路嘅建設。香港政府將呢條路延長至窩打老道，再將佢命名為「彌敦道」。

彌敦道當初係設計成一條可容納六條行車線、同埋兩旁種滿大樹嘅超級大路，但當時嘅人覺得係「小題大做」，笑稱為「彌敦嘅蠢事」（Nathan’s Fool）。

不過，後來彌敦道真係成為咗香港重要嘅經濟同埋商業幹線，連接咗香港九龍嘅旺角同埋尖沙咀等主要商業區。可以話，時間證明咗彌敦爵士當日的遠見。

1960年代以前，彌敦道是兩旁種滿大樹的林蔭大道。後來大部份的樹木因為阻礙雙層巴士行走，加上要興建工業大廈，大樹阻礙發展而被鋸去，現在只剩下九龍公園一小段仍然留有當年種下的大樹

而家嘅彌敦道係香港最出名嘅幹道之一，全長3.6公里，南起梳士巴利道，北接長沙灣道同埋大埔道，穿過佐敦同埋油麻地等區域。

彌敦道唔單止係香港最繁忙嘅交通幹線之一，亦係一個著名嘅購物同埋旅遊勝地。彌敦道見證咗香港城市嘅發展歷史，亦成為咗香港城市風貌嘅重要象徵。