林保全的故事

為慶祝訂戶人數突破 1 萬人，推出「90日免費贈閱計劃」，以答謝廣大訂戶的支持。歡迎大家訂閱以收聽聲音版故事、獲取足本的故事內容，永不錯過任何更新！

林保全以叮噹嘅形象，守護住每一位需要幫助嘅大雄，在無數個小朋友心中，佢成為咗象徵正義嘅英雄。唔單止咁，佢仲將「配音」呢個工作推上極之專業嘅境界，影響咗一代又一代香港觀眾。

林保全嚴謹敬業嘅工作態度，即使只係微小嘅語氣錯誤，都會堅持要重新配音，佢樹立咗「配音人」嘅專業形象。

林保全嘅離世，令我哋好遺憾，但佢嘅精神將會永遠喺我哋心中流傳。這種精神，其實跟叮噹的發源地日本的「職人精神」十份相似，可以話，林保全就是香港職人精神的代表之一。

澳門出生 香港讀書

林保全喺澳門出生，童年時都喺澳門度過嘅。中學時嚟香港，當時都開始接觸戲劇。畢業後就去銀行做工。

1971年，林保全睇咗姜中平配音嘅《泰山》電視劇之後，對配音有興趣，就寫信去無綫電視自薦。經過面試後，成功加入無綫電視嘅粵語配音組，加入日期係1971年3月15號。

當時由丁羽負責面試，佢話：「基本上就係試聲，聽到佢嘅聲音，覺得『哎呀，把聲唔錯噃』，而且個聲底好有厚度。最後就揀咗佢同其他3個學員。」

咁嘅結果，佢成為咗資深男配音員譚炳文同丁羽嘅徒弟。之後，林保全嘅女兒林芷筠亦進入無綫電視做藝員同配音員，同時都係丁羽嘅契女。

洪金寶御用配音

林保全喺香港電影嘅黃金配音時代為洪金寶同傅聲配音，亦為中國內地嘅王剛、台灣嘅趙舜、葉民志、日本嘅古田新太、岡山一、美國嘅佐治古尼嘅固定配音員，亦多次為日本聲優茶風林嘅動畫角色配音。

配音行業都有一啲約定俗成嘅規矩，肥嘅人配肥嘅人，瘦嘅人配瘦嘅人，丁羽表示：「其實冇話咩行規，不過肥嘅人聲音厚啲似返原本嘅聲音，所以保全配洪金寶好適合。」

叮噹林保全

林保全喺1980年代開始配演多啦A夢嘅角色，因為呢個角色陪伴咗好多人嘅童年時光，所以林保全喺香港人心目中，基本上就等於叮噹。

因為呢種關係，林保全經常以「叮噹聲」為賣點配演唔同嘅廣告，亦曾經喺TVB嘅資訊遊戲節目《千奇百趣系列》度，直接做返叮噹嘅旁白。

其實林保全表示，配音叮噹係好辛苦嘅，不過由於日本原作嘅叮噹聲音比較尖，所以為咗忠於原著，佢配音嘅時候，都刻意要做返「尖音」的處理。

對於叮噹呢個角色，林保全話自己好鍾意佢經常幫助大雄，除咗叮噹之外，林保全嘅其他代表作包括足球小將嘅林源三同成語動畫廊嘅熊貓博士等等。

活到老 做到老

林保…