不瞞大家，我曾一度以為細路好難去理解今日嘅香港，不論原因係：
一：佢哋喺海外長大，語言同文化環境變得完全唔一樣（接觸嘅係外國同學、外國新聞、外國語言，對佢哋嚟講，香港就只係一個「以前住過」或者「父母以前住過」嘅地方。）
二：佢哋成長於「新香港」的社會氣氛、核心價值、言論自由等等，都與我哋經歷過嘅舊香港大相逕庭。
我曾經試過，鼓起勇氣同佢哋講香港嘅故事，點知佢哋唔單止無反應，有時甚至表現得冇興趣或者聽唔明。
作為父母，當然希望佢哋唔會對自己嘅根源一無所知。畢竟，冇人希望十年、廿年之後，喺飯枱上自己變成咗少數仲記得香港嘅人。
我開始懷疑，係咪應該收聲唔好講，就噉算呢？
直到有一次，我無意中喺揸車時播咗一段 hkstory 聲音故事俾佢哋聽。無乜特別，只係因為揸車悶悶地，隨手播啲嘢填充吓時間。
冇諗過，細路一邊望住窗外風景，一邊聽住故事，竟然入晒神。嗰一刻我發現——細路唔係唔想知，而係我哋一直冇用佢哋舒服嘅方式去表達。
於是我間唔中都試吓，每次揸車或者臨訓前，都會播多啲呢類聲音故事。
意想不到嘅係，佢哋開始主動問問題： 「香港係咪有個叫銅鑼灣嘅地方好多人行街㗎？」又或者「噉嗰啲人係好人定壞人呀？」
呢啲互動，逐漸變成咗我哋親子之間最自然嘅交流。我至發現 —— 細路其實唔係唔關心香港，只係佢本身幾乎完全無概念，想問亦都無從問起；而係要搵到合適佢哋嘅方法，而係我哋用更有創意方式傳遞。
另一方面，我相信亦可能有人會噉諗：「香港都搞成噉，唔講好過講啦，講多咪盞令人傷心。」「細路開心過佢哋生活咪算囉？點解要將啲變差咗嘅嘢、唔開心嘅嘢，話俾佢哋知？」
事實是，世界本來就同時有光明和黑暗，我們唔可以只選擇光明，亦要同時對於黑暗有所認識同理解，呢嗰正正係「以史為鏡」的道理，長大後亦唔會噉易俾人呃。
如果你都曾經以為，細路唔會明，甚至唔應該知 —— 我明白，其實唔需要睇少細路，去到若干年紀，佢哋都會明白、會去思考「香港」的問題。
至於身處海外的父母，無必要放棄自己既語言、文化同歷史，這些對下一代既教育需要親力親為，反而係親子之間最真摯、最獨特嘅連結。
唔需要急於明白一切，但只要我哋堅持用合適方法同佢哋分享，香港嘅文化同故事，就唔會只留喺我哋心入面，而係可以穿過一代又一代歷久常新。
如果您覺得我哋嘅努力係值得，請成為我們的免費會員、甚至付費收聽 HKSTORY 的故事，然後將故事同家人或朋友分享，一齊守護同傳承香港嘅文化故事 💪🏻
Share this post