【聲音版】尹光的音樂故事（試聽）

尹光終身致力於歌唱事業，雖然他的曲風與眾不同，但他用音樂帶給一代香港人歡樂，當有人開始以 AI 基於他的聲線去生成音樂，他不僅沒有動怒和譴責，反而以接近 80 歲的高齡在音樂上嘗試轉型，以嶄新唱腔去跟與 AI 合唱，推出了全新作品《Dear Myself》。

尹光的努力同付出，使他重回公眾視野，成為非常熱門嘅歌手，終在商業電台叱咤903舉辦的2023年音樂頒獎典禮，尹光首次進入最喜愛男歌手前五強，未來更有機會力爭叱咤樂壇我最喜愛的男歌手大獎。

超越年齡界限

雖然佢歌曲風格唔係主流，但佢的確帶咗好多歡樂比香港人，佢今天嘅轉型同敢於嘗試新風格嘅精神，亦證明咗只要有熱情同勇氣，所謂年齡只不過係個數字，人無論幾多歲（佢今年79歲）都依然可以創造出有影響力及感動人心嘅作品。

尹光生於1944年8月23日，本名呂鍚楊，英文名Jackson Wan Kwong。尹光在越南共和國（南越）出生及出道，當時係首都西貢堤岸「韶聲音樂社」嘅一員，佢屋企係越南擁有兩間戲院（豪華戲院、大光戲院）、溜冰場同埋徽章販賣業務。

由七歲開始，尹光學習粵曲大戲，一開始讀文武生。佢自己話佢一生有兩個偶像，就係任劍輝同新馬仔。另外，尹光後嚟亦係香港高音二胡大師馮華嘅徒弟。

香港出道50年

但由於越戰爆發，戰亂同埋恐擊頻繁發生，粵劇表演易受越共恐怖襲擊，所以尹光開始改為唱粵語流行曲。當年佢接受咗三個月軍事訓練，喺1969年以逃兵身份偷渡咗黎香港，無幾耐之後，佢喺1975年西貢陷落嗰陣正式遷居到香港。

1973年，尹光同當紅荔園歌星鍾叮噹合唱《天涯客》一曲，開始咗佢喺香港嘅歌唱生涯。佢經常受到邀請喺荔園同啟德遊樂場演出，令佢嘅名氣愈嚟愈大。佢為自己起咗藝名「尹光」，同時亦開始探索獨特嘅歌曲風格。

歌曲深入民心

尹光嘅歌曲風格獨特，充滿諷刺意味，反映咗小市民嘅心聲，代表咗香港本地文化嘅一個重要部分。舉例來講，佢早期嘅作品《十四座》同《的士佬生涯》描述咗職業司機面對嘅困難同苦楚，而千禧年之後嘅《少理阿爸》以粗俗嘅風格道出家庭問題、濫用藥物同青少年問題。

然而，因為佢歌詞嘅用字比較粗俗，所以市面上嘅唱片店唔常有佢嘅唱片，只有去廟街等地方先買得到。加上佢嘅歌曲如《十四座》由街頭播到街尾，咁就有啲人稱佢為『廟街王子』或者『廟街歌王』。其實，佢從來都未曾正式公開喺廟街演出（不計宣傳活動）。

從廟街到紅館

1991年1月，被譽為「演唱會之父」的張耀榮舉辦了十場演唱會，然而票房卻不如預期，造成巨額損失近800萬元。為了彌補這一損失，張耀榮臨時邀請了尹光演出，雖然沒有任何宣傳和準備，但最終卻賣出了七成的門票。

同年3月，他在紅磡體育館再次舉辦一場演唱會。當天，紅磡體育館的票房外面排起了長長的人潮，所有12,000個座位均座無虛席，為尹光帶來了事業上的轉變。之後在8月，他再次在紅磡體育館舉辦了第三場演唱會，成為每年都能三度登上紅館表演的歌手。

接納年輕人

2002年，尹光以一首具Techno風格的饒舌歌曲《少理阿爸》在全港的士高場所紅遍。2008年3月，他在香港文化中心舉辦了「尹光08好過癮演唱會」。隔年3月，他再次在紅磡體育館舉辦了「2009爆金爛演唱會」，邀請農夫作為嘉賓，可見他也主動融入年輕人的世界。

2011年，為了配合在2012年1月在香港文化中心舉辦的「尹光龍咁威2012演唱會」，他與另一位香港年輕嘻哈歌手KZ合作推出單曲《Mr. ONE》。

2023年6月6號，有香港網民利用人工智能科技，用「AI尹光」嘅合成歌聲喺網上重新演繹左香港男歌手姜濤同林家謙等嘅流行歌曲。之後呢啲改編版迅速喺網上流傳開，獲得不少網民嘅讚賞，就話呢啲版本比原唱更動聽。尹光後來親自喺 Facebook 回應，表示好感激網民嘅支持。

擁抱AI的勇氣

同年9月，尹光同「Wan K.」（即尹光註冊嘅AI聲音）合作推出咗第一首抒情歌曲《Dear Myself》。呢首歌唔止係一首普通嘅流行曲，背後其實蘊含緊尹光嘅音樂歷程，講述住佢好多年嘅歌唱生涯，因此只有尹光先能夠完美詮釋。由於歌曲十分感人，更於 YouTube 累積獲得超過130萬次播放及無數嘅好評。

尹光接受訪問嘅時候，有講過香港娛樂界嘅現實：「喺呢行，人氣好重要，而且往往有分級，有層次，一線歌星只同一線歌星做朋友，唔會同二、三線歌星一齊玩，因為『我名氣咁大點會同你玩』，但我好肯定唔會咁對人，因為我只係一個靠唱歌賺食嘅普通人，任何人叫我影相都得。」

年屆80 時不我與

尹光證明只要有熱情同勇氣，所謂年齡只不過係個數字，人無論幾多歲（佢今年79歲）都依然可以創造出有影響力及感動人心嘅作品。但他年紀無論如何尹光已經年屆八十， 這也是為什麼很多人踴躍投票支持他的原因，大家都希望看到年紀不輕嘅尹光，能夠在入行多年之後，可以收到一座我最喜愛的男歌手的肯定，不知道您會支持他嗎？