過去二十年，社交媒體愈來愈普及，令消息傳播得更快、內容更豐富、更即時。無論你想搵乜嘢，似乎總有方法 search 得返。
所以，我一度都以為，我哋已經踏入咗「資訊永續」時代：互聯網會自動幫我哋保存所有歷史。
我以為，有咗互聯網，咩都唔洗做，歷史自然會留下；咩都唔洗保存，真相總會有人記得。
直到有一次，我想搵返一篇幾年前睇過嘅香港新聞。發現無論用 Google 定其他方法，都搵唔返，原網站已經消失，404，完全冇咗。
當時我覺得奇怪，點解曾經存在的東西，可以咁易唔見？
而更可怕的是 —— 喺而家嘅互聯網，或者社交媒體上面，唔單止有遺忘，更加有大量的扭曲。
是什麼？我相信，你懂的。
互聯網根本唔係一個安全、可靠的歷史記錄庫。佢係一個資訊流轉極快、遺忘得極快、被社媒大平台操控的地方。
所以我哋開始明白，真正可以保存記憶嘅方法，唔係寄望互聯網，而係靠人 —— 靠你、靠我 —— 各自記錄、分散保存、持續講述。
所以，我哋將故事轉化成 音頻、電子書、Podcast、實體書甚至 AI 可讀取的內容格式，確保即使網絡世界改變，這些香港故事仍然可以被人找到、閱讀和聆聽。
更好嘅方式係將內容變成可以被理解、被口述、被傳承落去的形式。
因此，HKSTORY 不止寫文字，仲會製作 Podcast、音頻故事、電子書，甚至讓 AI 都能讀到、理解。
就算將來網絡世界點樣變，我哋的故事、我哋的聲音，都仍然會被人找到、聽見。
如果您覺得我哋嘅努力係值得，請成為我們的免費會員、甚至付費收聽 HKSTORY 的故事，然後將故事同家人或朋友分享，一齊守護同傳承香港嘅文化故事 💪🏻
Share this post